Zatoz Iñurri eguna gurekin ospatzera!

Zer da Iñurri eguna?

Bost urte dira proiektu honi hasiera eman genionetik, bost urte eta milaka abentura. 10.000 pertsonako sarea eta emakume zoragarriz osatutako tribua. Miloi bat emozio bizi izan ditugu denbora honetan eta hau dena inguratzen diguzuen guztioi esker izan da. Horregatik badator lehenengo IÑURRI EGUNA!

 

Beste behin ere zuen babes eta laguntza nahi eta behar ditugu, egun solidario hau zuekin ospatu nahi dugulako. Borobildu beraz gorriz IRAILAK 7a iñurriko egutegian eta beti diogun bezala: zer egingo degu ba…

HIL ARTE…BIZI!

Iñurri egunerako pack bereziak nahi ditut

Yoga eta gosaria

Goiza yoga saio batekin hasiko dugu, Olatz Berasategiren eskutik. Bukatzerakoan Ore Ama, Txalaka eta Tolosa jatetxeak prestatutako gosariaz gozatzeko aukera izango dugu.

Ordua: 9:30h-11:30h.
Lekua: Usurbilgo Frontoiean.
Prezioa: 18€
Aforoa: Gehienez 30 lagun 

Deskriapena: Olatz naiz, Ama Yoga proiektuaren sortzailea eta bertako irakaslea. Ordu eta erdiko yoga saio honetan, arnasketarekin eta arretarekin lan egingo degu, lasaitasun eta konzentrazio jarrera batetik abiatuta. Saioaren helburua norbere buruarekiko zaintza izango da, bere muga fisiko zein mentalak besarkatuz.

 

 

Serigrafia tailerra

Iñurri egunerako diseinatutako lamina bat serigrafiatuko dugu Beñat Iraolaren laguntzaz.

Ordua: 11:30h-13:00h.
Lekua: Potxoenean (Sotoa).
Prezioa: 16€
Aforoa: Gehienez 15 lagun 

Deskribapena: Serigrafia eta esku lana uztartuz gaur egun bere ogibide diren bi proiektu garatu ditu Beñatek, Zatzaizkit eta Arrugado Studio. 0tik hasi eta estanpazio teknika bere kasa ikasi ondoren, orain sormena, prozesu kreatiboa eta produktu ezberdinen estanpazioa garatzen ditu egunerokotasunean. Tailer honetan serigrafiaren nondik norakoak azaldu, eta egun honetarako zehazki sortutako ilustrazio baten estanpazioa burutuko du parte hartzaile bakoitzak Beñaten laguntzaz. Estanpazioa paperean egingo da eta parte hartzaile bakoitzak lamina etxera eraman ahal izango du.

 

Belarritakoen tailerra

Belarritako personalizatuak sortzeko tailerra Ebonyren laguntzarekin.

Ordua: 11:30h-13:00h.
Lekua: Potxoenean (Proiektore gela).
Prezioa: 22€
Aforoa: Gehienez 12 lagun 

Deskribapena: Ebony naiz, Tai Day Studio proiektuaren atzean dagoena. Tailer honetan buztin polimerikoz egindako bi belarritako pare egiteko aukera izango dugu. Kolore eta forma aniztasuna erabiliz, bakoitzak bere pieza esklusiboak sortuz.

Hitzaldiak

Heriotza eta Dolua
Zoru pelbikoa eta Sexualitatea
Feminismoa

Bazkaria eta
monologoa

 

Eguerdian Usurbileko frontoiean elkartuko gara bazkaltzeko eta bazkaria bukatzerakoan Olatz Mercaderren monologoaz (Aitziber Garmendiaren gidaritzapean) gozatzeko aukera izango dugu.

Menua:
Pasta entsalada + albondigak + gazta tarta.
*Menu beganoa eskatzeko aukera egongo da.
*Glutenik gabeko aukera egongo da.
*Ogia, sagardoa eta ura.

Prezioa: 18 €
Aforoa: 300 lagun
Lekua: Usurbileko fontoiean
Ordua: Bazkaria 14:00.  Monologoa 16:00

Iñurri egunerako pack bereziak nahi ditut

Kontzertuak

Elektropottotte
Idoia Asurmendi
Eñaut Elorrieta
Rukula

Elektropottotte

Euskal Herria dantzan jartzeko sortuturako elektrotxaranga gara eta marratxeoa eta giro ona ditugu oinarri

Idoia Asurmendi

* Akustikoan

Aramaioarra, kantautorea. Ordu erdi inguruko bakarkako kontzertu honetan, “ilun eta abar” eta “de amar y desandar” diskoetako zenbait kantu aurkeztuko ditut formatu akustikoan, pianoaren eta gitarraren laguntzarekin. 

Eñaut Elorrieta

* Akustikoan

 

Rukula

Musikalki, Rukula taldea rock instrumentalean oinarritutako doinu dantzagarri eta zoroen koktel-ontzia da. 2014an hasi ziren lanean eta hiru disko kaleratu dituzte aldi horretan. Aurten estudioko hirugarren lana aurkeztuko dute, Traganarru.

Lan hau Andoaingo Studios Garaten grabatu da, Martxel Arkarazo taldeko baxu-jotzaile eta soinu-teknikariaren aginduetara. Bertan, etiketa bakar batean sailkaezinak diren zortzi abesti sartu dira. Rukula zuzenekoetan lehertzeko prest dagoen banda bat da!

 

0
    0
    Zure saskia
    Zure saskia hutsik dagoItzuli dendara