Iñurritegia
Zerbitzuak
Denda solidarioa
Zapi solidarioak
Agenda
Kontaktua
Premiazko kontaktua
Gure dokumentalaren kanpaña martxan da. Lagun nahi diguzu?
Minbiziaren akonpainamendu, formazio eta dibulgazioan ikuspegi feminista eta eraldatzaile batetik dihardugun elkartea gara
Gure kide baten amak inurriak zeramatzan orkatilan tatuatuta. Minbizi prozesu luze baten ostean hil zen, eta orduan hasi zen alaba iñurri bilakatzen.
Denborarekin, intsektu txiki eta nekaezin gehiago batu zitzaizkion taldera. Eta gehiago, eta gehiago, eta gehiago. Gaur arte.
Zuk ere sentitzen al dituzu kilimak oinazpietan?
Ongi etorri gure iñurritegira!
Jantzi eta oparitu
zapi solidarioak
Bisitatu gure denda solidarioa 🙂
Hasierak
2019an jaio ginen, ohartu ginenean ez zegoela minbizia normaltasunez, tabuetatik libre eta zuzenean nahiz zeharka bizi duten pertsonak ahalduntzeko eran lantzeko gunerik.
Orain arteko bideak argi utzi digu premia erreal, urgente eta behar baino ikusezinagoei erantzuten ari garela.
+ 120 zapi eta turbante dohaintzan + 50 pertsona laguntza-sarean + 24 prestakuntza-ekitaldi + 5.000 €baino gehiago ikerkuntzarako
Nola parte hartu
gure tribuan
Akonpainamendua
Minbizia modu zuzenean ala zeharkakoan bizitzen ari al zara?
Akonpainamendu libre eta aktiboa dugu eskaintzeko; epairik gabekoa eta ikuspegi transbertsalean oinarritua.
Prozesuaren edozein unetan zaudelarik ere, zuri entzuteko gaude.
Jar zaitez gurekin harremanetan!
Formazioa
Prestakuntza-guneak sortzen ditugu gizarte osoarentzat, esperientzian oinarritutako metodologia ardatz. Izan ere, minbizia normalizatzeko eta gaixotasunaren inguruko tabuak eta isiltasunak desagerrarazteko gakoa baita.
Deskarga ezazu gure zerbitzuen karta!
Dibulgazioa
Bizipen eta testigantza errealetatik abiatuta, minbiziaren inguruko ikuspegi feminista eta eraldatzailea sustatzeko ekitaldiak, produktuak eta kanpainak antolatzen ditugu.
Proposamenen bat al daukazu?
Jarrai gaitzazu, egin zaitez bazkide edo idatz iezaguzu!
Denda solidarioa
Gure diru-iturri nagusia da denda. Dibulgaziorako ere baliagarri zaigu, gainera, eta gure proiektua babesteko eta gurekin kolaboratzeko modurik errazena da.
Orain arte…
Agenda
Ekitaldi, formazio eta akelarre ugari antolatzen ditugu, minbiziaren errealitatea gure ikuspegitik ezagutarazteko eta gizarteratzeko asmoz. Tribua zabaltzea eta iñurriak ahalduntzea da gure helburua, beraiek baitira ekitaldi hauetako protagonistak.
Animatu eta izan parte zu ere!
Iñurritegia
Iñurritegia komunitate irekia da, eta zu ere bertan parte hartzera gonbidatu nahi zaitugu.
Minbiziaren akonpainamendu, formazio eta dibulgazioan ikuspegi feminista eta eraldatzaile batetik dihardugun elkartea gara.
